Киләсәк уңышы өсөн...

Сарала матди-техник база, тренерҙар составы һәм йәш хоккейсыларҙы тәрбиәләү кеүек мәсьәләләр ҡаралды. “Урал – Көнбайыш Себер” ойошмаһы рәйесе Вячеслав Деменьшин белдереүенсә, Свердловск өлкәһендә 30 боҙ майҙансығы булһа, Башҡортостанда уларҙың һаны – 12. Екатеринбургта һәм Силәбелә ошон­дай 10-дан ашыу спорт майҙансығы эшләнгән, Өфө­лә – дүртәү. Ә тренерҙар буйынса кадрҙарға кил­гәндә, был йәһәттән хәлдәр яҡшы. Ошо һүҙҙәрҙең дө­рөҫ­лөгөн кәңәшмәгә килгәндәр ҙә раҫланы. Унда Денис Хлыстов та ҡатнашты.

Әйткәндәй, Өфө хоккейы тәрбиә­ләнеүсеһе Чемпиондар лигаһында уйнаған һәм Континенталь хоккей лигаһы беренселегенең миҙалдарын яулаған.

“Балаларға матчтарҙа еңеү мотлаҡ түгел, иң мөһиме – киләһе уңыш өсөн яҡшы нигеҙ һалынһын. Бының өсөн тренерҙарға күнекмәләр өсөн ошондай уҡ шарттар барлыҡҡа килтерелергә һәм шундай уҡ ярыштар үткә­релергә тейеш”, – тигән фекер ҙә яңғыраны кәңәшмәлә. Ә хоккей менән шөғөлләнергә теләүселәр республикала бихисап.