+20 °С
Болотло
Спорт һәм туризм
10 Октябрь 2020, 20:00
Һөйөнөслө хәл менән башланһа ла...
Бөгөн “Өфө-Арена”ла “Салауат Юлаев” менән ЦСКА хоккейсылары осрашты.
Бөгөн “Өфө-Арена”ла “Салауат Юлаев” менән ЦСКА хоккейсылары осрашты.
Шуныһы һөйөнөслө: “Салауат Юлаев” хоккейсылары әкренләп боҙға ҡайта башланы. Бөгөн Мәскәүҙең ЦСКА-һы менән матчҡа Павел Коледов эләкте. Тренерҙар Виктор Козлов һәм Томи Ламса ла тренерҙар эскәмйәһенә ҡайтты.
Беренсе уйын миҙгелендә – Филип Ларсен, икенсеһендә Михаил Воробьев ҡунаҡтар ҡапҡаһына шайба индерҙе. Шулай итеп, бөгөнгө “Өфө-Арена”лағы уйында командабыҙ хоккейсылары ике шайба яулауға өлгәште. Матч ЦСКА файҙаһына 2:4 иҫәбе менән тамамланды. Беҙҙекеләр Континенталь хоккей лигаһы лидерын еңә алманы. Әлегә “Салауат Юлаев” лиганың Көнсығыш конференцияһы таблицаһында – дүртенсе урында. Улар йәмғеһе 16 матчта уйнап, 20 мәрәй тупланы.
Фото: bashinform.ru
