+21 °С
Болотло
Спорт һәм туризм
16 Октябрь 2020, 09:36
Юлаевсылар сафҡа ҡайта башланы
Хоккейсыларыбыҙ беҙҙе урыны менән һөйөндөрөп, урыны менән көйөндөрөп уйнауын дауам итә. 10 октябрҙә “Өфө-Арена”ла “Салауат Юлаев” менән ЦСКА командалары осрашты.
Хоккейсыларыбыҙ беҙҙе урыны менән һөйөндөрөп, урыны менән көйөндөрөп уйнауын дауам итә. 10 октябрҙә “Өфө-Арена”ла “Салауат Юлаев” менән ЦСКА командалары осрашты.
Шуныһы һөйөнөслө: “Салауат Юлаев”тың коронавирус таралыуына бәйле матчтарҙан ситләтелгән уйынсылары әкренләп боҙға ҡайта башланы. Мәскәүҙең ЦСКА-һы менән осрашыуҙа, мәҫәлән, Павел Коледов, тренерҙар Виктор Козлов һәм Томи Ламса булды.
Беренсе осорҙа – Филип Ларсен, икенсеһендә Михаил Воробьев ҡунаҡтар ҡапҡаһына шайба индерҙе. Әммә матч ЦСКА файҙаһына 4:2 иҫәбе менән тамамланды. Беҙҙекеләр Континенталь хоккей лигаһының Көнбайыш конференцияһы лидерын еңә алманы.
12 октябрҙә “Салауат Юлаев” менән “Барыҫ” командалары көс һынашты. Ҡаҙағстан хоккейсылары күп ваҡытын – сентябрҙең икенсе яртыһын тиерлек – карантинда уҙғарҙы. Беҙҙең лидерҙарыбыҙ ҙа составҡа кире әйләнеп ҡайта башланы. Үкенескә ҡаршы, был хәл командабыҙға еңеү яуларға ярҙам итмәне. Матч “Барыҫ” файҙаһына 3:2 иҫәбе менән тамамланды. Улар овертаймда еңеп сыҡты. Өҫтәмә уйын осоро ни бары 25 секундҡа һуҙылды. Беҙҙекеләрҙән голдар хужалары – Шакир Мөхәмәҙуллин менән Александр Алексеев. Ғөмүмән, уҙған миҙгелдә лә Ҡаҙағстан командаһы менән осрашыуҙарҙа юлаевсылар бер тапҡыр ғына еңеүгә өлгәшә алғайны.
15 октябрҙә “Салауат Юлаев” Мытищи ҡалаһында Ҡытайҙың “Куньлунь Ред Стар” командаһы менән осрашты.
