+20 °С
Болотло
Спорт һәм туризм
30 Октябрь 2020, 12:00
Премия кемгә эләгер?
1 ноябрҙә төнгө 23 сәғәт 59 минутҡа тиклем яҡташыбыҙ өсөн тауыш бирергә мөмкин.
26 октябрҙә 2020 йылғы Милли спорт премияһы буйынса онлайн-тауыш биреү башланды. Унда “Спорт бөтәһе өсөн дә” номинацияһында Нефтекама ҡалаһы физик культура, спорт һәм туризм комитетының спорт мәктәбендәге саңғы ярышы буйынса өлкән тренер Валерий Васильевич Гарейшин ҡатнаша. 1 ноябрҙә төнгө 23 сәғәт 59 минутҡа тиклем https://sport-premia.ru/ һылтанмаһы буйынса яҡташыбыҙ өсөн тауыш бирергә мөмкин.
Валерий Васильевич Нефтекама ҡалаһының саңғы үҙәгендәге барлыҡ саңғы секцияларын һәм түңәрәктәрен берләштереп, эште яйға һалған. 26 йыл тренер булып эшләү дәүерендә ул бик күп спортсылар әҙерләгән, Нефтекамала саңғы ярышы һәм еңел атлетика уҙыштары буйынса саралар үткәреү системаһын ойошторған. Ҡала халҡының спорт менән әүҙем шөғөлләнеүендә уның да өлөшө ҙур.
Ә рәсәйҙәрҙе спортҡа йәлеп итеү ил Президенты Владимир Путиндың май указы менән раҫланған “Демография” милли проектының “Спорт – йәшәү нормаһы” федераль проектында билдәләнгән өҫтөнлөклө бурыстарҙың береһен тәшкил итә.
Фото: vk.com
