Афарин, Әмиров! Афарин, йәштәр!

Бөгөн Карьяла кубогына турнирҙа Рәсәйҙең йәш хоккейсылары Чехия командаһы менән осрашты. Европа хоккей турниры сиктәрендәге был матч Хельсинкиҙа “Хартвалл Ареа”ла үтте.

Беҙҙең йәш хоккейсыларыбыҙ тотош донъя көйәрмәндәрен шаҡ ҡатырыуын дауам итә. Быға тиклем Игорь Ларионов командаһы финдар менән шведтарҙы ҡыйратҡайны.

Ә бөгөн хоккейсыларыбыҙ осрашҡан Чехия командаһы ла әлегәсә еңелеүҙәргә дусар булмағайны. Хәтерегеҙгә төшөрәбеҙ: Карьяла кубогы Рәсәй йыйылма командаһы өсөн айырыуса ҙур әһәмиәткә эйә. Әлегә спортсыларыбыҙ илебеҙҙең генә түгел, хатта Европа көйәрмәндәрен таң ҡалдыра! Бөгөн Рәсәй йыйылма командаһы 3:0 иҫәбе менән еңде! Ә беренсе шайбаны яҡташыбыҙ, Ишембай егете Родион Әмиров индерҙе. Артабанғы шайбаларҙың хужалары – Егор Чинахов менән Егор Афанасьев. Ә ҡапҡабыҙҙы Ярослав Асҡаров ышаныслы һаҡланы.

Фото: a-fitnes.ru