Яҡташыбыҙ Рәсәй командаһын ҡотҡарҙы!

Карьяла кубогына турнирҙа Рәсәй командаһы Швеция хоккейсылары менән осрашты. Европа хоккей турнирында рәсәйҙәр шведтарҙы буллиттар серияһында еңде. Матч Хельсинкиҙа “Хартвалл Арена”ла үтте.

Матчта “Салауат Юлаев” хоккей клубы тәрбиәләнеүсеһе - Ишембай егете Родион Әмиров финал сиренаһына тиклем бер гол индереп өлгөрҙө һәм тотош команданы еңелеүҙән һаҡланы. Ә яҡтарҙың осрашыуы 2:1 иҫәбе менән тамамланды. Еңеү буллиты шайбаһы хужаһы – Василий Подколзин.

Илебеҙ командаһы турнир таблицаһының беренсе урынында тора. Ул ике матчта биш мәрәй тупланы.

Быға тиклем Рәсәй хоккей командаһы Финляндия командаһын 6:2 иҫәбенә еңгәйне. Унда беренсе голды Родион Әмиров индергәйне. Ә тағы бер яҡташыбыҙ Шакир Мөхәмәҙуллин алтынсы шайбаны индерергә ярҙам итте.

Фото: Валерий Шахов.