+20 °С
Болотло
Спорт һәм туризм
27 Декабрь 2020, 10:00
Вице-президент итеп һайланған
2020 йылда атҡарылған эштәргә йомғаҡ яһала. Ошондай уҡ саралар спорт ойошмаларында үткәрелә.
“Булат” компаниялар төркөмөнөң үҙәк офисында Башҡортостандың Ҡушылған хәрби көрәш (ММА) федерацияһының киңәйтелгән кәңәшмәһе булған. Федерация рәйесе Руслан Зарипов, башҡарма директоры Вячеслав Жук, төбәк үҫеше буйынса вице-президент Заһир Түләбаев һәм баш тренер Абакар Гусейнов быйыл атҡарылған эштәр хаҡында һөйләгән.
Кәңәшмә сиктәрендә федерацияның әлеге вице-президенттарын раҫлау һәм буласаҡ яңы вице-президенттарҙы һайлау булған. Шулай итеп, улар – Радик Янборисов, Рөстәм Гәрәев. Дөйөм ҡарар менән Уллубий Кагиргаджиев беренсе вице-президент итеп һайланған.
“Федерация командаһына ижтимағи-сәйәси һәм стратегик мәсьәләләр йүнәлештәрен ышанып тапшырғандары һәм мине федерацияның вице-президенты итеп һайлағандары өсөн рәхмәт белдерәм. Массалы спорт – балалар һәм үҫмерҙәр менән генә түгел, иң тәү сиратта – ата-әсәләр менән эш ул. Республика райондары һәм ҡалалары өсөн яҡшы әҙерлекле, компетентлы, техникаға һәм оҫталыҡҡа эйә педагог-тренерҙарҙы әҙерләйәсәкбеҙ. Федерация активы өсөн семинарҙар, оҫталыҡ кластары һәм йыйылыуҙар ойошторасаҡбыҙ. Киләсәктә федерацияның һәм вәкиллектәрҙең матди-техник базаһын нығытыуға, тәрбиәләнеүселәрҙе кәрәкле экипировкалау менән тәьмин итеүгә йүнәлтелгән курс буйынса эшләйәсәкбеҙ. Балалар – киләсәгебеҙ, йәштәр дәүләтебеҙҙең стратегик ресурсы, – тип яҙған социаль селтәрҙәге сәхифәһендә Башҡортостан Дәүләт Йыйылышы – Ҡоролтай депутаты Гөлнур Ҡолһарина. – Рухи-әхлаҡи һәм илһөйәрлекте тәрбиәләү йәһәтенән республиканың Башҡорт ҡатын-ҡыҙҙар йәмғиәте ярҙам итер. Үҫеп килгән быуын вәкилдәрен тәрбиәләүгә граждандар йәмғиәте институттары, урындағы үҙидара һәм эшҡыуарлыҡ вәкилдәрен дә йәлеп итербеҙ”.
Фото: Гөлнур Ҡолһаринаның социаль селтәрҙәге сәхифәһенән.
