Илдә – иң алдынғыларҙың береһебеҙ

Ауылдарҙа спорт, балалар һәм үҫмерҙәр спорт мәктәптәренең хәлдәре нисек? Бына ошо мәсьәлә буйынса бөгөн Башҡортостандың Дәүләт Йыйылышы – Ҡоролтайҙың Мәғариф, мәҙәниәт, йәштәр сәйәсәте һәм спорт буйынса комитетының кәңәшмәһе үткәрелде. Был сараның модераторы комитеттың рәйес урынбаҫары Ирек Зарипов булды.

– Башҡортостан Республикаһы – спорт буйынса илдә алдынғыларҙың береһе. Шуны әйтергә кәрәк, спорт киңерәк таралһа, уға күптәр йәлеп ителәсәк, – тине Башҡортостандың Дәүләт Йыйылышы – Ҡоролтайҙың Мәғариф, мәҙәниәт, йәштәр сәйәсәте һәм спорт буйынса комитеты рәйесе Раил Әсәҙуллин.

Республиканың йәштәр сәйәсәте һәм спорт министры урынбаҫары Павел Мөслимовтың белдереүенсә, Башҡортостандағы 54 район ауыл булып тора. Уларҙағы спорт һәм балалар һәм үҫмерҙәр спорт мәктәптәренең хәле нисек? Тағы “Ауыл тренеры” программаһы илдә беренселәрҙән булып Башҡортостанда барлыҡҡа килде.

Программаға ярашлы, белгестәргә 600 мең һумлыҡ сертификат бирелә. Уны өй һатып алыуға йәки төҙөүгә тотонорға мөмкин.

Сарала шулай уҡ республиканың Уҡыусыларҙы физик тәрбиәләү һәм олимпия резервын әҙерләү идаралығы етәксеһе Марсель Йосопов, Әлшәй районы хакимиәтенең Спорт һәм йәштәр сәйәсәте буйынса комитет рәйесе Динар Әхмәдрисламов һәм башҡалар сығыш яһаны. Сарала тармаҡта кадрҙар, финанс һәм кәрәкле спорт ҡоролмаларының етешмәүе хаҡында һөйләшеү булды.

Автор фотоһы.