+21 °С
Болотло
Спорт һәм туризм
26 Март 2021, 08:59
Өмөттәребеҙ селпәрәмә килде...
Ҡазанда матчтар үткәрелгәндән һуң, “Салауат Юлаев” командаһы үҙ боҙонда – “Өфө-Арена”ла – “Аҡ Барыҫ” менән сираттағы осрашыуҙарҙа еңеү яулар тип өмөт иткәйнек. Тик, ҡыҙғанысҡа ҡаршы, был уй-ниәттәребеҙ бойомға ашманы.
Ҡазанда матчтар үткәрелгәндән һуң, “Салауат Юлаев” командаһы үҙ боҙонда – “Өфө-Арена”ла – “Аҡ Барыҫ” менән сираттағы осрашыуҙарҙа еңеү яулар тип өмөт иткәйнек. Тик, ҡыҙғанысҡа ҡаршы, был уй-ниәттәребеҙ бойомға ашманы.
Плей-офта Гагарин кубогына “Салауат Юлаев“ менән “Аҡ Барыҫ” командалары араһындағы өсөнсө матч юлаевсылар файҙаһына булманы. Уйын “Аҡ Барыҫ” иҫәбенә 2:1 иҫәбенә тамамланды. “Салауат Юлаев” командаһының берҙән-бер голы хужаһы Дмитрий Кугрышев ине.
23 мартта “Салауат Юлаев” менән “Аҡ Барыҫ” йәнә Өфөлә осрашты. Ике команданың дүртенсе уйынында еңербеҙ тип йәнә өмөт иткәйнек, был беҙҙең өсөн үтә мөһим ине. Тик... Сираттағы матчта ла “Аҡ Барыҫ” өҫтөнлөк алды. Улар 2:3 иҫәбе менән еңеү яуланы. Беҙҙән ҡунаҡтар ҡапҡаһына Джефф Плэтт һәм Александр Кадейкин шайба индерҙе.
“Аҡ Барыҫ” серияны ҡоро иҫәп менән тамамлап (4:0), Континенталь хоккей лигаһы плей-офф уйындарының ярымфиналына сыҡты.
“Салауат Юлаев” КХЛ тарихында беренсе тапҡыр 0:4 иҫәбе менән еңелде. Был миҙгелдә команданың тренеры Томи Ламса булды.
