Башҡортостан спортсылары Японияға осто!

Японияның баш ҡалаһы Токиола XXXII йәйге Олимпия уйындары 2020 йылда ойошторолорға тейеш ине, ләкин пандемия менән бәйле бер йылға кисектерелде.

Быйыл иһә Олимпия уйындары 23 июлдән 8 август көндәрендә уҙасаҡ. Әйтергә кәрәк, спорт ярыштары көйәрмәндәрһеҙ үтә, сәбәбе - шул уҡ коронавирус.

Рәсәй йыйылма командаһына 335 спортсы ингән, шул иҫәптән 150 ир-ат һәм 185 ҡатын-ҡыҙ. Шул иғтибарға лайыҡ, улар араһында Башҡортостандан биш спортсы бар. Фехтовальщиктар Аделина Заһиҙуллина менән Тимур Сафин, слаломистка Алһыу Минәзева, ишкәкселәр Александр Сергеев (байдарка) менән Варвара Баранова (каноэ) - шуға асыҡ миҫал. Яҡташтарыбыҙға, ғөмүмән, рәсәйҙәргә уңыштар юлдаш булыуын теләйек!

Фото: nvdaily.ru