Их, уңыш урап үтте...

Ике тапҡыр донъя чемпионы, рапиристка Аделина Заһиҙуллина Олимпия турнирының 1/8 финалында Канаданан Келли Райандан еңелде. Ярыш Райан иҫәбенә 15:9 булды.

1/4 финалда Рәсәйҙән Лариса Коробейникова һәм Инна Дериглазова миҙал өсөн көсөргәнешле ярышты дауам итәсәк.

Хәтерегеҙгә төшөрәбеҙ, Аделина Заһиҙуллинаға – 28 йәш. Ул – ике тапҡыр донъя (2016, 2019 йылдар) һәм  Европа беренселеге чемпионы (2016, 2019 йылдар). 2017 йылда ул донъя беренселегендә бронза миҙал яулағайны.

Фехтование буйынса Олимпия турниры иһә 24 июлдән  1 авгусҡа тиклем үткәреләсәк.

Фото: yandex.ru