Рәсәйҙең грек-рим көрәше буйынса юниорҙар командаһы Алуштала уҡыу-күнекмәләр үткәреү йыйындарын тамамланы.
Ил командаһы составында Башҡортостан көрәшселәре Адлан менән Алан Амриевтар, Сәйед-Хөсәйен Бакаев та күнекмәләр үткәрҙе. Көрәшселәребеҙ менән бергә унда республиканан грек-рим көрәше буйынса өлкән тренер Геннадий Сырцев та булды.
Күнекмәләрҙе көнөнә өс тапҡыр үткәрҙеләр: залда уҙғандар менән бер рәттән, һыу процедуралары ла ойошторолдо.
Август башында Рәсәй командаһын йыйыуҙың аҙаҡҡы этабы старт ала. Илебеҙ спортсыларын Өфөләге Р. Баталова исемендәге Спорт әҙерлеге үҙәге ҡабул итә.
Фото: Спорт министрлығы.