Рәсәйҙә беренсе тапҡыр үткәрелә

11–23 августа Башҡортостандың баш ҡалаһында юниорҙар араһындағы спорт көрәше донъя беренселеге үткәрелә. Әйткәндәй, бындай сара республикала беренсе тапҡыр ойошторола. Унда 54 илдән 1500 көрәшсе ҡатнашасаҡ. Ярыштар “Өфө-Арена” универсаль спорт һарайында үтә.

Беренселек урындағы һаулыҡ һаҡлау һорауы буйынса барлыҡ санитар ҡағиҙәләрҙе һәм талаптарҙы үтәп үткәреләсәк.

- Башҡа илдәрҙән ҡатнашыусылар, ҡунаҡтар һәм киң мәғлүмәт саралары вәкилдәре илгә килгәндән һуң 72 сәғәт дауамында ғәмәлдә булған SARS-CoV-2-гә ПЦР-ҙың ғәмәлдәге серологик тесын күрһәтәсәк. Башҡортостан Республикаһы биләмәһендә ҡатнашыусылар килгәс һәм “таҙа зона”ға ингәс,  COVID-19 антиесемдәренә экспресс-тестар эшләнәсәк. Ярыштар һәм күнекмәләр залдарына ингән барлыҡ ҡатнашыусыларҙың да (маңлайынан) тән температураһын инфраҡыҙыл термометр менән үлсәү ойоштороласаҡ. Әгәр COVID-19 антиесемдәренә экспресс-тест ыңғай  йәки сарала ҡатнашыусыларҙа, ҡунаҡтарҙа коронавирус инфекцияһының барлығына шик булһа, обсерватор ҡаралған, - тип аңлатты республиканың спорт министры Руслан Хәбибов.

Йәштәр чемпионаты спорт көрәшенең Олимпия дисциплиналары булған йәки булмаған төрҙәре буйынса үткәреләсәк: 11–24 августа – грэпплинг, 15–23 августа грек-рим һәм ирекле көрәш буйынса ярыштар уҙғарыла.

2021 йылда донъя беренселеген Башҡортостанда үткәреү тураһындағы ҡарар 2019 йылдың сентябрендә Ҡаҙағстанда UWW  (Көрәштең берләштерелгән донъяһы) ғаризалар  кампанияһында ҡабул ителгәйне.

2020 йылдың 17 февралендә Башҡортостан Хөкүмәте һәм “Рәсәйҙең спорт көрәше федерацияһы” менән “Өфө ҡалаһында 2021 йылғы Юниорҙар араһында спорт көрәше буйынса донъя чемпионатын үткәреү өлөшөндә хеҙмәттәшлек һәм бергә эшләү тураһында”ғы килешеүгә ҡул ҡуйылғайны.

Ғаризалар кампанияһы буйынса йәштәр чемпионатында ҡатнашасаҡ илдәр билдәле булды. Улар: Алжир, Әрмәнстан, Австралия, Австрия, Әзербайжан, Беларусь Республикаһы, Бразилия, Болгария, Канада, Ҡытай, Хорватия, Чехия, Эквадор, Мысыр, Испания, Эстония, Финляндия, Франция, Грузия, Германия, Греция, Гватемала, Венгрия, Һиндостан, Иран, Израиль, Италия, Ҡаҙағстан, Ҡырғыҙстан, Латвия, Литва, Молдавия, Монголия, Нидерлдантар, Норвегия, Польша, Португалия, Румыния, Көньяҡ Африка Республикаһы, Рәсәй, Сербия, Шри-Ланка, Швейцария, Словения, Швеция, Тажикстан, Тунис, Төркиә, Берләшкән Ғәрәп Әмирлектәре, Украина, АҠШ, Үзбәкстан.

Фото: pravitelstvorb.ru