Рәсәй командаһы – беренсе!

“Өфө-Арена”ла бөгөн спорт көрәше буйынса юниорҙар донъя чемпионатының Олимпияға ҡарамаған ярыштары тамамланды.

Командалар араһында Рәсәйҙеке дөйөм иҫәп буйынса беренсе урында килә. Икенсе урында – Ҡаҙағстан спортсылары. Республикабыҙға килгәндә, Стәрлетамаҡ районының Төрөшлө ауылынан Карина менән Аделина Мырҙабаевалар – алтын, шулай уҡ Стәрлетамаҡтан Валерия Давыдова бронза миҙал яуланы.

Хәтерегеҙгә төшөрәбеҙ: 16 августан 22 авгусҡа тиклем ирекле, грек-рим һәм ҡатын-ҡыҙҙар көрәше буйынса ярыштар буласаҡ.

Грек-рим көрәше буйынса ярыштарҙа Башҡортостандан илебеҙҙең йыйылма командаһы составында Сәйед-Хөсәйен Бакаев менән Адлан Амриев көс һынашасаҡ.

Фото: Айрат Нурмөхәмәтов.