Еңәбеҙ, еңеләбеҙ...

Был миҙгелдә “Салауат Юлаев” менән СКА командалары бер тапҡыр Санкт-Петербургта осрашҡайны һәм матч 2:4 иҫәбенә тамамланғайны.

Тик икенсе осрашыу баштан уҡ юлаевсылар файҙаһына барманы.

Беренсе осорҙоң 3-сө минутында СКА һөжүм итеүсеһе Владислав Цицюра юлаевсылар ҡапҡаһына беренсе шайбаны ташланы. Хоккейсыларыбыҙ был хәлгә иғтибар итмәй, яҡшылап уйнарға, алға сығырға маташты, тик уларҙың был уй-ниәттәре бойомға ашманы, хатта күпселектә уйнағанда ла СКА ҡапҡаһына шайба ин­дерә алманылар. Өҫтә­үенә, Маркус Гранлунд бәр­гән шайба ҡунаҡтар ҡапҡа­һына ингәндәй тойолғайны ла, ҡунаҡтарҙы штанга “ҡот­ҡарҙы”, шайба иҫәпкә алынманы. Икенсе һәм өсөнсө уйын осоро ла юлаев­сыларға уңыш килтермәне. Шулай итеп, сираттағы матч СКА файҙаһына 0:5 иҫәбенә тамамланды.

12 октябрҙә “Салауат Юлаев” Ҡазандың “Аҡ Ба­рыҫ”ы менән осрашты. Матч “Аҡ Барыҫ” файҙаһына 2:3 иҫәбе менән тамамланды.

- Айһылыу НИЗАМОВА