“Ике мәрәйҙе тартып алдылар...”

24 октябрҙә “Салауат Юлаев” командаһы Континенталь хоккей лигаһының регуляр чемпионаты сиктәрендә “Локомотив” менән осрашты.  “Өфө-Арена”ла барған был матч 4:3 (0:1, 0:1, 3:1, 0:0) иҫәбе менән тамамланды.

Уйындың 17-се минутында беренсе шайбаны ҡу­наҡтарҙан Рид Буше ташланы. Артабан Павел Красковский һәм Артур Ҡәйүмов “Салауат Юлаев” ҡапҡа­һына шайба индерҙе. Юла­ев­сыларҙан Павел Коледов, Сергей Шмелев, Теему Хартикайнен һәм Сакари Маннинен шайба хужаһы булды. Шулай итеп, “Салауат Юлаев” буллит уйындарында еңеүсе тип танылды. Был юлаевсылар өсөн дүртенсе тапҡыр рәттән еңеү ине.

26 октябрҙә хоккейсы­ларыбыҙ үҙ боҙонда Чере­по­вецтың “Северсталь” ко­ман­даһы менән осрашты. Матч “Северсталь” файҙа­һына 3:2 иҫәбе менән тамам­ланды. “Северсталь” командаһынан Кирилл Пилипенко, Даниил Вовченко һәм Никита Гуслистов шайба ташлаһа, юлаевсы­лар­ҙан Александр Кадейкин менән Сакари Маннинен үҙ командаһы өсөн мәрәй кил­терҙе. “Беҙҙең өсөн был ауыр хоккей кисе булды. “Северсталь” беҙҙән бер аҙымға алдараҡ бара ине. Улар нығыраҡ еңеү яуларға теләне. Ике мәрәйҙе беҙҙән тартып алдылар ҙа. Һөҙөм­тәләр барыһы тура­һын­да ла һөйләй”, – ти белдергән “Салауат Юлаев” команда­һы­ның баш тренеры Томи Ламса “Чемпионат” сайтына. 

- Айһылыу НИЗАМОВА