Футболсыны күпмегә һатып аласаҡтар?

 Рәсәй Премьер-лигаһының иң яҡшы һөжүм итеүсеһе, “Өфө” футбол клубы һөжүм итеүсеһе Гамид Агаларовтың икенсе клубҡа күсеүе хаҡында имеш-мимеш күп йөрөй.

Тик бына баш ҡала командаһы етәкселегенең белдереүенсә, әлегә бер ниндәй ҙә тәҡдим дә ныҡлап ҡаралмаған. “Өфө”нөң директорҙар советы рәйесе Рос­тислав Мырҙағоловтың “Sport24” порталына хәбәр итеүенсә, футболсыны үҙ клубына алырға теләүселәр байтаҡ икән. “Тәҡдимдәр байтаҡ, һөйләшеүҙәр ҙә күп, тик әлегә был хаҡта һөйләү иртәрәк. Шуға уға ситтәнерәк ҡараһындар”,  – тип белдергән ул.

Хәтерегеҙгә төшөрәбеҙ, Гамид Агаларов 15 турҙа 13 туп индергән. Әле лә ул Рәсәйҙәге иң яҡшы һөжүм итеүселәрҙең береһе һанала.

Айһылыу НИЗАМОВА