Өфөлә Туризм буйынса федераль агентлыҡ грантына тормошҡа ашырылған “Ҡала легендалары” мобиль ҡушымтаһы эшләй башланы.
- Унда Башҡортостан баш ҡалаһындағы авторлыҡ экскурсиялары, тематик сәйәхәттәр буйынса ғәҙәти булмаған маршруттар йыйылған. Хеҙмәт Өфөлә йәшәүселәр һәм ҡунаҡтар өсөн тәғәйенләнгән: һәр файҙаланыусы өсөн ҡыҙыҡлы темалар һәм локациялар табырға тырыштыҡ. Проект - Туризм буйынса федераль агентлыҡтың былтыр эске һәм тышҡы туризм үҫешенә субсидиялары биреү конкурсының 17 төбәк еңеүсеһенең проекттарының береһе. Эшҡыуар алған грант күләме – 2,4 миллион һум.
- Ошондай проекттарға ярҙам иткән федераль һәм төбәк саралары республиканың экскурсия хеҙмәттәре баҙары төрҙәрен арттырырға, йәштәр араһында экскурсия маршруттарына ихтыяжды булдырыуға, шулай уҡ һанлы технологияларҙы файҙаланып, экскурсия тәҡдимдәрен файҙаланырға булышлыҡ итә, - тип белдерҙе Башҡортостандың Туризм буйынса дәүләт комитеты рәйесе вазифаһын башҡарыусы Ринат Фәтҡуллин.
- Мобиль гид ярҙамында смартфоны булған һәр кем ирекле ритмда ҡыҙыҡлы сәйәхәт ҡыла, яңыны белә, күп быуатлы тарихы булған Өфөнө үҙенсә аса ала, - тип һөйләне эшҡыуар һәм проект авторы Ольга Хәйретдинова.
Фото: smartik.ru