Тыуған көнгә шәп бүләк!

Бөгөн “Салауат Юлаев” хоккейсылары “Сочи” командаһы менән осрашты.

7 декабрь - Филип Ларсендың тыуған көнө. Ошо байрамға йәм өҫтәп, командабыҙ “Сочи”ҙы еңде, хатта ысын мәғәнәһендә ҡыйратты тип әйтергә мөмкин. Филип Ларсен да бер шайба индерҙе. Бына был, исмаһам, тыуған көнгә бүләк! Шулай итеп, бөгөн иҫәп "Салауат Юлаев" файҙаһына 5:0 булды.

Голдарҙы түбәндәге тәртиптә ҡунаҡтар ҡапҡаһына сәпәнеләр:

1:0 (03:21) – Николай Кулёмин (Степан Санников, Виктор Антипин);
2:0 (13:14) – Виктор Тихонов (Евгений Бирюков);
3:0 (26:43) – Артём Пименов (Виктор Тихонов, Динар Хафизуллин);
4:0 (44:00) – Сакари Маннинен (Маркус Гранлунд, Филип Ларсен);
5:0 (59:56) – Григорий Панин (Тему Хартикайнен, Филип Ларсен, буш ҡапҡа).

Бөгөн “Салауат Юлаев” ҡапҡаһын – Юха Метсола, ә “Сочи”ҙыҡын Магнус Хелльберг һаҡланы.

Фото: “Салауат Юлаев” хоккей клубы.