Үҙҙәренән башланылар

Республиканың Спорт министрлығы “Роспотребнадзор” һәм Өфө ҡалаһы хакимиәте менән берлектә баш ҡалалағы спорт һәм физкультура-һауыҡтырыу ойошмалары буйлап рейд ойошторҙо.

Бөгөн, Башҡортостан Башлығы Башлығы ҡушыуына ярашлы, ҡалалағы спорт һәм физкультура-һауыҡтырыу ойошмаларында коронавирус инфекцияһы шарттарында санитария талаптарын үтәүҙе тикшереү уҙҙы. Рейд республиканың спорт министры Руслан Хәбибов етәкселегендәге барлыҡ ҡыҙыҡһынған яҡтар тарафынан ойошторолдо. Сарала ҡатнашыусылар составында - Рәсәй Дәүләт Думаһы депутаты Р. Баталова, Өфө ҡалаһы хакимиәте башлығы урынбаҫары А. Ғафаров, республика буйынса “Роспотребнадзор” идаралығының әйҙәүсе белгесе Г. Ёкубжонова, Өфө ҡалаһы хакимиәтенең физкультура һәм спорт идаралығы етәксеһе Е. Сорокин, республика Спорт министрлығының хоҡуҡ, кадрҙар һәм мәғлүмәт эштәре бүлеге баш белгес-эксперты И. Ғарифуллин.

Рейд барышында Өфөләге ҡайһы бер ойошмалар, республика Спорт министрлығына ҡараған Спорт әҙерлеге үҙәге, “Спартак” Олимпия резервындағы спорт мәктәбе, “Адреналин” фитнес клубы тикшерелде.

Тикшереүҙәр COVID-19-ҙың таралыуын иҫкәртеү талаптарына ярашлы үткәрелә. Термометр, ҡулдарҙы дезинфекциялау, битлек режимын күҙәтеү, сисенеү урындарында социаль арауыҡ һыҙыҡтарының барлығы, вентиляция системаһына контроль һәм елләтеү графигы, ойошмаға килгәндәр өсөн мәғлүмәттәр стендының барлығы тикшерелде.

Тикшереү Спорт әҙерлеге үҙәгендә һәм “Спартак” мәктәбендә талаптарҙың үтәлеүен күрһәтте. Ә бына “Адреналин” фитнес клубында санитар-эпидемиологик талаптарҙың күҙәтелмәүе теркәлгән. “Роспотребнадзор” идаралығы өҫтәмә рәүештә рәсми тикшереү ойошторасаҡ һәм хоҡуҡ боҙоуҙарҙы бөтөрөү тураһындағы күрһәтмәне индерәсәк.

Фото: Башҡортостандың Спорт министрлығы.