Родион Әмиров нимә хаҡында белдергән?

Быға тиклем хоккейсының баш мейеһендә шеш табылыуы хаҡында хәбәр иткәйнек. Ошо сәбәпле, Родион Әмиров социаль селтәрҙәге сәхифәһендә түбәндәгеләр хаҡында яҙҙы: “Эйе, әле еңел булмаған ваҡыт, әммә еңеү - яҡында, бигерәк тә ошондай йылы һүҙҙәр әйтелгәндә, тип уйлайым. Әле атай-әсәйем менән Германияла. Барлыҡ мотлаҡ процедураларҙы үтәм, күнекмәләр үткәрәм, аҙнаһына өс тапҡыр боҙға сығам – барыһы ла табиптарҙың яҙғандарына ярашлы. Тағы бер тапҡыр минән һәм атай-әсәйемдән йылы һүҙҙәр һәм борсолған өсөн рәхмәт.  Бөтәһен дә үтермен һәм еңеүсе булырмын. Барыһын да ҡосаҡлайым”.

“Газета.ру” хәбәр итеүенсә, “Спартак”тың элекке табибы Лю Хуншен Родион Әмировҡа операция эшләһәләр, ҡайтанан һаулығын тергеҙә һәм хоккейға кире ҡайта аласаҡ, тип белдергән.

Фото: sport-express.ru