Ике ил спортсылары көс һынашасаҡ

17 мартҡа тиклем Өфөлә Рәсәйҙең кубогының туғыҙынсы этабында һәм биатлон буйынса ил чемпионатында 30 төбәктән һәм Беларусь Республикаһынан биатлонсылар көс һынашасаҡ.

“Белорус спортсыларының Рәсәйҙең кубогының туғыҙынсы этабында һәм биатлон буйынса ил чемпионатында ҡатнашыуы тураһындағы ҡарар Беларусь биатлон федерацияһы рәйесе Андриан Цыбульский менән үҙ-ара килешеү һөҙөмтәһендә ҡабул ителде. Беҙ кем менәндер конфронтацияға бармайбыҙ, илдәребеҙ спортсылары мәнфәғәтенән сығып эш итәбеҙ. Өфөлә һәм Төмәндә барған турнирҙарҙа белорус спортсыларының ҡатнашыуы, һис һүҙһеҙ, ярыштар кимәлен күтәрәсәк”, - тип белдергән Рәсәйҙең Биатлон федерацияһы рәйесе Виктор Майгуров. Ярышта спринтта, эҙәрлекләү уҙыштарында көс һынашасаҡтар. Александр Логинов, Эдуард Латипов, Максим Цветков, Антон Бабиков, Кәрим Хәлили, Кристина Резцова, Лариса Куклина һәм башҡалар ҡатнашасаҡ.

Ярыштар программаһы:

12 март:
11.00 – спринт 10 км – ирҙәр;
14.00 – спринт 7,5 км – ҡатындар.

14 март:
11.00 – эҙәрлекләү уҙышы: 12,5 км – ирҙәр;
13.30 – эҙәрлекләү уҙышы:  10 км – ҡатындар.

16 март:
11.00 – ҙур масстарт: 15 км – ирҙәр;
13.30 – ҙур масстарт: 12 км – ҡатындар.

Фото: Рәсәй биатлонсылар союзы.