Был еңеү – ил беренселегенә юллама

Өфөлә үткәрелгән дзюдо буйынса Бөтә Рәсәй турнирында илдең 17 төбәгенән 23 йәшкә тиклемге  158 спортсы үҙ көсөн һынап ҡараны.

100 килограмдан ашыу ауырлыҡ үлсәмендә республикабыҙ спортсыһы Александр Данилов беренсе урынға сыҡты. Был еңеүе менән ул Рәсәй беренселегенә юллама яуланы.

Башҡортостандың Спорт министрлығы хәбәр итеүенсә, 81 килограмға тиклемге ауырлыҡ үлсәмендә Алексей Алексеев көмөш миҙалға лайыҡ булған, 100 килограмдан ашыу ауырлыҡ үлсәмендә Марат Зәйнәғәбдинов – икенсе, Фәнил Таһиров өсөнсө урынға сыҡҡан.

Айһылыу НИЗАМОВА