-13 °С
Болотло
Бөтә яңылыҡтар
Спорт һәм туризм
1 Апрель 2022, 10:27
Һөйөндөрҙөләр ҙә, көйөндөрҙөләр ҙә...
Хоккей көйәрмәндәре һәр матчты түҙемһеҙләнеп көтөп ала: һәммәһен дә Гагарин кубогын кемдең яулаясағы ҡыҙыҡһындыра.
Континенталь хоккей лигаһының Көнсығыш конференцияһы ярымфиналында “Салауат Юлаев” менән “Трактор” командалары дүрт уйын үткәреүгә иҫәп тигеҙ ине – 2:2. Бишенсе осрашыу Силәбелә үтте. Юлаевсылар еңелде. Хәҙер Өфөләге матчта отолорға ярамай ине. Әммә яҡташтарыбыҙ йәнә еңелде – 1:2. Ҡыҙғанысҡа ҡаршы, сит ил хоккейсыларының ҡайтып китеүе бәкәлгә һуҡты. Артабан финалда “Трактор” уйнаясаҡ. Ул Магнитогорскиҙың “Металлург” командаһы менән сәкәләшәсәк. Ә Көнбайыш конференцияһының финалында Санкт-Петербургтың СКА хоккей клубы менән Мәскәүҙең ЦСКА-һы уйнаясаҡ.
Әйткәндәй, 22 мартта Өфөгә Гагарин кубогын килтерҙеләр. Был көндө “Өфө-Арена”ла көйәрмәндәр Континенталь хоккей лигаһының төп трофейы менән иҫтәлеккә фотоға төштө, шулай уҡ 2011 йылда ошо кубок хужаһы булған юлаевсылар – һаҡсы Виталий Прошкин һәм һөжүм итеүсе Игорь Григоренко менән осрашты. Өфөнән тыш, Һарытау, Ырымбур, Стәрлетамаҡ, Саранск һәм Пенза ҡалалары көйәрмәндәре лә Гагарин кубогын күрәсәк, уның менән фотоға төшөү мөмкинлегенә эйә буласаҡ.
Айһылыу НИЗАМОВА
Читайте нас:
© 1917 - 2025 «Башҡортостан» гәзите.
Бөтә хоҡуҡтар ҙа яҡланған.
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башҡортостан» гәзитенә һылтанма яһау мотлаҡ.
Зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР). Регистрационный номер: серия ПИ ФС77-33205 от 11 сентября 2008 г.
Баш мөхәррир
Исхаҡов Вәдүт Ғәйфулла улы
Электрон почта
Адресы
г. Уфа, ул. 50 лет Октября, 13, 5-й этаж
Реклама хеҙмәте
8(347)272-62-61
Ҡабул итеү бүлмәһе
8(347)272-05-43
Хеҙмәттәшлек
8(347) 273-83-92
Кадрҙар бүлеге
8(347)272-05-43