Сағыу ваҡиға көтөлә

Бөгөн Хөкүмәттең оператив кәңәшмәһендә Башҡортостан Башлығы Радий Хәбиров иртәгә, 1 июндә Алкинола “Авангард” уҡытыу-методик үҙәге – “Патриот” хәрби-патриотик паркының беренсе өлөшө асылыуы тураһында хәбәр итте.

– Иртәгә беҙҙе бик әһәмиәтле ваҡиға көтә. Беҙ был турала өс йыл буйы һөйләнек. Был - “Патриот”тың беренсе өлөшө, тағы өс сираты буласаҡ. Һәйбәт кенә килеп сыға. Уны асыу тантанаһына ике Рәсәй Геройы – Андрей Владимирович Красов менән Владимир Анатольевич Шаманов килә. Балалар ысынлап та бөйөк кешеләр менән осрашып, аралаша аласаҡ, – тине Радий Хәбиров.

Бынан тыш Мәскәүҙән, Волга буйы федераль округынан почетлы ҡунаҡтар киләсәк.

Ә 4 июндә бында “Геройҙар уҙышы” буласаҡ. Унда министрлыҡтар вәкилдәре лә ҡатнашасаҡ.

– Был көндә лә ҡыҙыҡлы сара көтөлә, ул республикала тәүге тапҡыр үтәсәк. Беҙҙең өсөн бик яуаплы. Дөйөм көс менән “Геройҙар уҙышы” трассаһын эшләнек. Хәҙер дөйөм Рәсәй ярышын үткәрәбеҙ, кешегә оҡшаһын өсөн ойошҡан үткәрергә кәрәк. Министрлыҡ вәкилдәре, әҙерләнегеҙ, уҙыш ҡыҙыҡ буласаҡ, – тине Радий Хәбиров.

Был федераль уҙыш 4 июндә Шишмә районындағы “Патриот” паркында үтәсәк. Спорт ярышында теләгән һәр кем, шул иҫәптән балалар ҙа ҡатнаша ала.

Фото: "Бәйләнештә".