Башҡортостан
+28 °С
Болотло
VKOKРУС
Бөтә яңылыҡтар

Спортсыларыбыҙға – лайыҡлы баһа

А. Орешников
Фото:А. Орешников

Сәйед-Хөсәйен Бакаев менән Адлан Амриевҡа “Рәсәйҙең халыҡ-ара класлы спорт мастеры” тигән исем бирелде. Ошо фарманға Рәсәйҙең спорт министры Олег Матыцин ҡул ҡуйған.

Хәтерегеҙгә төшөрәбеҙ, 2021 йыл республикабыҙ спорты өсөн сағыу ваҡиғаларға бай булды. Өфөлә спорт көрәше буйынса йәш үҫмерҙәр араһында үтк­ә­релгән чемпионатта Белорет егете Сәйед-Хөсәйен Бакаев алтын миҙал яуланы. Ул 63 килограмға тиклемге ауырлыҡ үлсәмендә ярымфиналда – Румыния спорт­сыһы Мануэл Стойкты, финалда Грузия көрәшсеһе Диего Чхиквадзены еңде.

Сәйед-Хөсәйен Рәсәйҙең йәш­тәр спартакиадаһында еңде, ил­дең йәш үҫмерҙәр беренсе­ле­ген­дә, Суракат Асиятилов иҫтәле­генә турнирҙа көмөш миҙал яуланы. Бынан тыш, Волга буйы фе­дераль округы беренсе­ле­г­ендә еңеп сыҡты. Биш йәшендә спорт менән шөғөлләнә башлаған егеттең тренерҙары – Рәсәйҙең атҡа­ҙанған тренеры Владимир Коробов һәм Илдар Ғилманов.

Адлан Амриев – билдәле көрәшсе Муса Евлоевтың ауылдашы. 2021 йылда ул Рәсәйҙең йәштәр спартакиадаһында, Суракат Асиятилов иҫтәлегенә турнирҙа, Волга буйы федераль округы турнирында еңеүсе тип танылды, Рәсәй йәш үҫмерҙәр турнирында көмөш миҙал яулағайны. Былтыр Адлан Өфөлә спорт көрәше буйынса йәш үҫмерҙәр араһында үткәрелгән чемпионатта алтын миҙалға лайыҡ булғайны.

Айһылыу НИЗАМОВА

Читайте нас в