Зөһрә Гордиенко ла ярышты

Элек физкультура менән шөғөлләнгән кеше булараҡ, ул Физкультурниктар көнө менән дә ҡотлап, матур теләктәрен еткерҙе.

– Был донъяла бер тапҡыр ғына йәшәйбеҙ, шуға күрә ғүмерегеҙҙе, һаулығығыҙҙы һаҡлағыҙ,  тыуған илебеҙгә файҙалы булырға тырышығыҙ. Көн һәйбәт, кәйеф тә шәп. Ике көн буйына ныҡлы әҙерләндек, – тине Зөһрә Мәүлитбай ҡыҙы.

Ул Ҡыйғы районын спорт һөйөүсән район тип телгә алды.

– Инфраструктурабыҙ бик үҫешкән. Районда һәйбәт стадион төҙөлгән, төҙөкләндерелгән балалар һәм үҫмерҙәр спорт мәктәбе эшләй. Төньяҡ-көнсығыш райондарҙан беҙҙә генә бассейн бар. ГТО үткәреү өсөн ябыҡ универсаль майҙансығыбыҙ ҙа бар. Спорт буйынса һынатҡаныбыҙ юҡ. ГТО һөҙөмтәләре буйынса етенсе урындабыҙ. Элек 23-24-се урындарҙа килә инек, – тине ул.