Изге урындарҙы барып күрегеҙ!

Башҡортостан Башлығы Радий Хәбиров әлеге мәлдә Үзбәкстан илендә эш сәфәрендә.

"Үзбәкстан иҫ киткес матур. Бында баш ҡала Ташкент тормошон, Сәмәрҡәнд, Бохара һәм Хиуа һәм Фирғәнә үҙәне кеүек туристик ынйыларҙы, атап әйткәндә, әле мин инвесторҙар менән осрашҡан Наманган ҡалаһын ҡарарға була.

Мәҫәлән, Наманган өлкәһендә генә 27 тарихи объект һәм изге урын бар. Мәҙрәсә, мәсет, кәшәнә... Ул бигерәк тә яҙлы-көҙлө сәскәгә күмелеп ултыра, емеш-еләк һәм йәшелсә мул булған саҡта.

Мин Башҡортостан туристарының да бында килеүҙәрен теләр инем. Әле Өфөнән Үзбәкстанға ике рейс бар - йәкшәмбе һайын самолеттар Ташкентҡа оса, шаршамбы - Наманганға. Әгәр кәрәк булһа, өҫтәмә рейстар асасаҡбыҙ", - тип яҙҙы ул социаль селтәрҙәрҙәге сәхифәләрендә.

Фото: vk.com/radiyhabirov?w=wall413272232_861636