Ул бәхетле!

Спортсыбыҙ Айнур Шәйбәковты күптәр белә. 

Гөлназ Әхмәҙиева үҙенең социаль селтәрҙәге сәхифәһендә түбәндәгеләр тураһында яҙған: “Ул бәхетле! Бала сағынан дан ҡаҙанған, барыһы ла уны яратты һәм уҡытты. Ул үҫте һәм талантлы спортсы булып танылды. Тиҙҙән, бик тиҙҙән уның ҙур юбилейы – 30 йәш! Иң яратҡан уҡыусыларымдың береһенә бәхетле спорт тормошон теләйем! Спорттың иң ҙур баҫҡыстарында оҙаҡ йылдар балҡы!”

Айнур Шәйбәков – халыҡ-ара гроссмейстер, бер нисә тапҡыр донъя һәм Европа чемпионы, “Рәсәй шашка федерацияһы” Дөйөм Рәсәй йәмәғәт ойошмаһының Башҡортостан төбәк бүлексәһе башҡарма директоры.

Фото: Гөлназ Әхмәҙиеваның социаль селтәрҙәге сәхифәһенән.