Бай тарихы һәм ҙур киләсәге бар

Иртәгә 10.00 сәғәттә Өфөләге Башҡортостан Республикаһының Олимпия резервы спорт мәктәбе комплексында 19-21 йәшлек спортсылар араһында Рәсәйҙең биатлон буйынса беренселеген асыу тантанаһы була.

“Башҡортостан Республикаһында биатлон – төп спорт төрҙәренең береһе. Беҙҙең спортсылар Бөтә Рәсәй һәм халыҡ-ара ярыштарҙа призлы урындар яулай. Башҡорт биатлонының бай тарихы һәм ҙур киләсәге бар. Беҙ үҙебеҙҙә төрлө кимәлдәге ярыштарҙы үткәрергә әҙербеҙ. Рәсәйҙең биатлон буйынса беренселегендә ҡатнашыусыларға ҙур уңыштар, көс, түҙемлек һәм еңеүгә ныҡлы ихтыяр теләйбеҙ! Иң көслө спортсы еңһен!” – тип белдерҙе Башҡортостандың спорт министры Руслан Хәбибов.

Фото: БР Спорт министрлығы.