12 миҙал яуланылар

Ярыштарҙа Рәсәйҙең 23 төбәгенән 430-ҙан ашыу спортсы көс һынашты.

Мәскәүҙә үткәрелгән пилон спорты һәм һауа-спорт атлети­каһы буйынса федерация чемпионаты, беренсе­легендә Рәсәй­ҙең 23 төбәгенән 430-ҙан ашыу спортсы алышты. Сараларҙа быға тиклем булмағанса күп спортсы үҙ көсөн һынаны.

Башҡортостан исеменән “NEXT Pole Dance School”, “Apache”, “Фитнес 90-60-90” (Туймазы) һәм “Һауа” һауа гим­настикаһы спорт үҙәге клубтары ҡатнашты. Әйткәндәй, респуб­ли­кабыҙҙан Ксения Мынова менән Дарья Скоблик ярыш­тар­ҙың судьялар коллегияһынан.

Был ярыштарҙа республика спортсылары 12 награда яуланы. “Һауа” һауа гимнастикаһы спорт үҙәге клубы спортсы­ларының яҡшы күрһәткестәргә өлгәшеүе һөҙөмтәһендә республика дөйөм команда иҫәбендә өсөнсө урын яуланы.

“Командабыҙ алты миҙал яуланы. Ульяна Сухорукова – беренсе, Полина Диленко – өсөнсө, Софья Харисова – беренсе, Луиза Сафина – өсөнсө, Илона Крузенберг – икенсе, Вана Рожок икенсе урынға сыҡты. “Балалар” һәм “йәш үҫмерҙәр” йәш төркөм­дәрендә наградалар яуларға тырыштыҡ”, – тип хәбәр итте  һауа гимнастикаһы үҙәге етәк­сеһе Анастасия Ульчева.

Айһылыу НИЗАМОВА