Аргентина – Франция: барыһы ла бөгөн хәл ителәсәк

Спорт һөйөүселәр хәбәрҙар, был көндәрҙә Катар футбол буйынса донъя чемпионатын ҡабул итә - донъяның иң көслө футбол командалары иң юғары титул өсөн көрәшә. Бөгөн Өфө ваҡыты менән киске сәғәт 8-ҙә хәл иткес уйын көтөлә: Аргентина һәм Франция финалда осраша.

Ғөмүмән, был уйынды спорт аналитиктары уҙып барған йылдың иң сағыу ваҡиғаһы тип баһалай.

Беренсенән, был уйын Аргентина командаһы капитаны Леонель Мессиның  һуңғы чемпионаты. Барлыҡ титулдар эйәһе булһа ла, Месси әле булһа донъя чемпионы булып танылмаған. Һәм футбол тарихында, бигерәк тә Аргентина  тарихында карьераһын иң яҡшы спортсы миҫалында тамамлау 16 йәштән футболға килгән һәм ғүмере буйы ошо спортҡа тоғро ҡалған Месси өсөн бик мөһим.  

Икенсенән, Франция командаһы ла бик көслө спорсыларҙан тупланған. Килиан Мбаппе  үҙе генә ни тора! Әйткәндә, бынан дүрт йыл элек ул Рәсәйҙә үткән Футбол буйынса донъя чемпионатында еңеү яулағайны. Ул ваҡытта уға ни бары 19 йәш кенә ине. Ә бөгөн ул тағы тәжрибәлерәк, тағы ла оҫтараҡ һәм таһыллыраҡ. Мбаппе өсөн, әлбиттә, Франция өсөн дә, ғөмүмән,  чемпион титулын бирмәү принципиаль.

Ҡыҫҡаһы, беҙҙе бик ҡыҙыу матч көтә. Аргентина – Франция. Франция – Аргентина. Месси – Мбаппе.  Ә һеҙ, дуҫтар, кем өсөн көйәһегеҙ? Уйын кем файҙаһына һәм ниндәй иҫәп менән тамамланыр тип уйлайһығыҙ?