Мәргән уҡсылар асыҡланды

Бөгөн “Яңы йыл байрамдары” фестивале сиктәрендә, Ағиҙел йылғаһы ярында тау саңғыһы һәм уҡ атыу биатлоны үтте.

Ярышҡа республика ҡалаларынан һәм райондарынан уҡсылар килде. Уҙышта ирҙәр менән бер рәттән ҡатын-ҡыҙҙар ҙа ҡатнашты.

Ҡағиҙәләргә ярашлы, бөтә конкурсанттар таяҡһыҙ һунарсы саңғыларын, асаһыҙ һәм төҙәүһеҙ уҡтар файҙаланған.

Ҡатнашыусылар 1500 метр араны ваҡытҡа үтеп, өс сәпкә тейҙерергә тейеш ине.

Ир-егеттәр араһында еңеүселәр:

1-се урын – Нуриман Хәйруллин, Әбйәлил районы;

2-се урын – Фәрит Юлдашбаев, Өфө районы;

3-сө урын – Илназ Үҙәнбаев, Учалы районы.

Ҡатын-ҡыҙҙар араһында еңеүселәр:

1-се урын – Зөһрә Сәфәрғолова, Ишембай ҡалаһы;

2-се урын – Венера Юлдашбаева, Өфө районы,

3-сө урын – Айгөл Ғәлиуллина, Белорет ҡалаһы.   

Фото: социаль селтәрҙән.