Барыһы ла яҡшы ғына башланғайны...

16 ғинуарҙа “Салауат Юлаев” командаһы Магнитогорскиҙың “Металлург”ы менән осрашты.

Матчтың беренсе осоронда ике команда ҡапҡа­һына ла шайба индерел­мәне. Тик бына ҡунаҡтарҙан Егор Яковлев, Эдди Паскуале һәм Егор Коробкин штрафсылар эскәмйәһенә оҙатылды. Юлаевсыларҙан Райан Мерфи ғына бындай хәлгә тарыны. Икенсе осорҙа “Салауат Юлаев” командаһы иҫәпте асты (Иван Дроздов).

Өсөнсө осорҙа иҫәп  тигеҙләнде. Уйын­дың 50-се минутында “Металлург”­тан Филипп Майе коман­дабыҙ ҡапҡаһына бер гол сәпәне, ике минуттан ул тағы бер гол индерҙе. Һөҙөмтәлә иҫәп “Металлург” файҙаһына 1:3 булды. Тағы ике минуттан һуң, юлаевсыларҙан Николай Кулемин ҡунаҡтар ҡапҡа­һына шайбаны “оҙатты”. Әммә матч аҙағына тиклем иҫәп үҙгәрмәне һәм, ҡыҙ­ғанысҡа ҡаршы, коман­дабыҙға еңеү эләкмәне.

18 ғинуарҙа “Салауат Юлаев” Ҡазанда “Аҡ Барыҫ” менән осрашты. Тик был матч та командабыҙ файҙа­һына булманы. Беренсе осорҙа иҫәпте юлаевсы­ларҙан Алексей Пустозёров асты. Тик боҙ хужалары Александр Радулов менән Артем Лукоянов “Аҡ Барыҫ”­ҡа еңеү килтерҙе.

– Уйынды  яҡшы ғына башлағайныҡ. 38 минут дөрөҫ уйнаныҡ. Кәрәк бул­ғанда, һөжүм иттек, аҙаҡ инде хаталандыҡ, – тип белдерҙе  “Салауат Юлаев” командаһының баш тренеры Виктор Козлов.

“Салауат Юлаев” коман­даһы Көнсығыш турнир таблицаһында алтынсы урынды биләй. 

Айһылыу НИЗАМОВА