Радик Юлъяҡшин Өфөлә бушлай концерт ҡуясаҡ

Элвин Грей псевдонимы аҫтында сығыш яһаған билдәле башҡорт йырсыһы Радик Юльяҡшин Өфөлә бушлай концерт ҡуясаҡ.

4 февралдә, Ҡышҡы спорт төрҙәре көнөндә “Биатлон” спорт комплексында биатлон буйынса Рәсәй чемпионаты үтә. 14:00 сәғәттә сараны асыу тантанаһы буласаҡ, унда Радик Юльяҡшин сығыш яһаясаҡ.

— Был көндө кәйеф өсөн яуаплылыҡты үҙ өҫтөмә алырға ҡарар иттем. Яратҡан йырҙарыбыҙҙы йырларбыҙ, үҙебеҙҙекеләр өсөн янып-көйөрбөҙ, яңы спорт төрөндә үҙебеҙҙе һынап ҡарарбыҙ, һуңынан тағы бергәләп йырларбыҙ. Һәр кем яҡшы кәйеф менән булыр. Барыһын да көтөп ҡалам! – тигән Радик Юлъяҡшин социаль селтәрҙә.

Фото һәм мәғлүмәт сығанағы: Башкирия Online.