Уларҙың уйынын көтөп алабыҙ

29 ғинуарҙа “Салауат Юлаев” хоккейсылары үҙ боҙонда Түбәнге Каманың “Нефтехимик” командаһы менән осрашты.

Уйындың тәүге осоронда ике яҡ ҡапҡаға ла шайба индерел­мәне, ә бына икенсеһендә иһә Райан Мёрфи ҡунаҡтар ҡапҡа­һына шайба сәпәне. Оҙаҡ­ламай күрше республика командаһы хоккейсыһы Данил Алалыкин иҫәпте тигеҙләне (1:1).

Матч аҙағында юлаевсы Александр Хмелевский командабыҙға еңеү килтерҙе. Шулай итеп, матч юлаевсылар файҙаһына 3:2 иҫәбе менән тамамланды.

Голдар:

1:0 (27:07) — Райан Мёрфи (Виктор Антипин, Александр Хмелевски),

1:1 (34:54) — Вячеслав Лещенко (Андрей Белозёров, Денис Вихарев),

1:2 (44:55) — Павел Порядин (Евгений Митякин, Кирилл Воробьёв),

2:2 (54:32) — Данил Алалыкин (Виктор Антипин, Данил Башкиров),

3:2 (овертайм) — Александр Хмелевский.

Быға тиклем “Салауат Юлаев” үҙ боҙонда Череповецтың “Северсталь” һәм Ҡазандың “Аҡ Ба­рыҫ” командаларын ҡыйрат­ҡайны.

1 февралдә юлаевсылар Тү­бәнге Новгородтың “Торпе­до”һы менән осрашты. Бөгөн Мәскәүҙең ЦСКА-һы менән уйнай. Спорт­сыларыбыҙға уңыштар теләйек.

Айһылыу НИЗАМОВА