Афарин, Өфө егете!

“Рыбинскиҙа шорт-трек буйынса Рәсәй Кубогы финалы тамамланды. Семен Елистратов Рәсәй Кубогына ярыштарҙа еңеүсе тип танылды! Семенды юғары һөҙөмтә һәм матур заездар менән ҡотлайым! Һис һүҙһеҙ, республиканың спорт министрлығының 100 йыллығында – мөһим еңеү”, - тип хәбәр итте социаль селтәрҙәге сәхифәһендә Руслан Таһир улы.  

Шулай итеп, 1500, 3000 метр арауыҡтарҙа Семен – беренсе, 500 метр арауыҡҡа ярыштарҙа – өсөнсө, 1000 метр арауыҡҡа бәйгелә икенсе булып килде.

Фото: республиканың спорт министры Руслан Хәбибовтың социаль селтәрҙәге сәхифәһенән.