Барығыҙ ҙа хоккейға!

Өфөлә балалар һәм үҫмерҙәр командалары араһында “Ихата лигаһы” ҡала хоккей турнирының финалы үткәрелә.

Сара беренсе тапҡыр 2013 йылда ойошторолған. Проекттың авторы һәм кураторы – Павел Васильев. Был турнир һәр ваҡыт төрлө йәш вәкилдәрендә ҙур ҡыҙыҡһыныу уятты. Былтыр “Эксперт-диагностикалау лабораторияһы” үҫеш үҙәге “Ихата лигаһы”на ҡушылды. Ул еңеүсе команда өсөн бер тулы комплект алыуға ҡала грантына эйә булғайны.

Турнирҙың һайлап алыу һәм финал этаптары бар. Ғинуар – февраль айҙарында үткәрелгән финал этаптарында 10-12  һәм 13-14 йәшлектәр төркөмдәрендә 400-ҙән ашыу бала ҡатнашты.

Ярыштарҙың маҡсаты – балаларҙа, үҫмерҙәрҙә һәм уларҙың ғаилә ағзаларында сәләмәт тормошҡа ҡыҙыҡһыныуҙы арттырыу, спорттың ихата төрҙәренең абруйын күтәреү.

Финал уйындары иһә 23 февралдә түбәндәге адрес буйынса үткәрелә: Өфө ҡалаһы, 3әки Вәлиди урамы, 3-сө йорт. Сара сәғәт 9-ҙа башлана, 14-30 сәғәттә бүләкләү тантанаһы була.

Был проект Өфө ҡалаһы хакимиәте башлығы гранты аҡсаһына тормошҡа ашырыла.

Фото: ufa.bezformata.com