Саңғы Логиновтыҡы ине

Пермь крайының Чайковский ҡалаһында ир-егеттәр араһында 15 километр арауыҡҡа масс-старт тамамланды. Ул биатлон буйынса Рәсәй кубогына ярыштарҙың алтынсы этабына ярашлы үткәрелде.

Был ярыштарҙа 159 мәрәй туплаған Антон Бабиков еңеүсе тип танылды. Sports.ru хәбәр итеүенсә, ул барыһына ла – тренерҙарға, табиптарға һәм башҡаларға рәхмәтен белдерҙе. "Саңғы Логиновтыҡы ине: уға ла рәхмәт", – тине биатлонсы.  Икенсе урында – Новосибирск өлкәһенән Роман Еремин, өсөнсөлә – Кәрим Хәлили.

1. Антон Бабиков (Башҡорт­остан) – 37.41,3 (2).
2. Роман Ерёмин (Новосибирск өлкәһе) +7,6 (2).
3. Сәид Кәримулла Хәлили (Мәскәү) +19,0 (2 тапҡыр сәпкә яҙа атыу).

Айһылыу НИЗАМОВА