“Рәхмәт һиңә, Герой!”

Башҡортостанда йәшәүселәр ошо исемдәге акцияла ҡатнаша ала. Ул 1 июнгә тиклем бара.

Рәсәй Йәмәғәт па­ла­таһының Йәштәр эштәре, ирекмәнлек  һәм илһөйәрлек тәр­биә­ләүҙе үҫтереү буйынса комиссияһы 2 майҙан 1 июнгә тиклем “Рәхмәт, Герой!” тип исемләнгән акция ойоштора. Унда ҡат­нашыу өсөн социаль селтәрҙәге сәхифәгә шәхси йәки коллектив ҡаҙаныштар, мауығыу менән бәйле булған фото һалырға һәм унда ошо хаҡта яҙырға кәрәк, яҙма аҙағында “Рәхмәт, Герой!” һәм 1941 – 1945 йылдар­ҙағы Бөйөк Ватан һу­ғышында Еңеүҙе яҡы­найтҡан туғанығыҙҙың исем-шәрифен, та­ғы #нашапобеда һәм #спасибогерой хештегтарын ҡуйыу мот­лаҡ. Мәҫәлән, үҙеңдең хоккей формаһындағы һәм еңеүсе кубогы тот­ҡан фотоңды ҡуйырға, эргәһенә “Хоккей уйнай алам, рәхмәт, олатай!” тип яҙырға була.

Был акцияның авторы – Түбәнге Новгород өлкәһенән 6-сы класс уҡыусыһы Илья Семенычев. Ул – Рә­сәй Йәмәғәт па­лата­һы­ның “Беҙҙең Еңеү” тип аталған дө­йөм халыҡ конкурсы еңеүсеһе.

 Айһылыу НИЗАМОВА