Бөгөн Өфөлә Рәсәйҙең биатлон буйынса кубогына һуңғы, бишенсе этап ярыштары башланды.
Сарала илдең 22 төбәгенән 137 көслө спортсы ҡатнаша. Ҡатын-ҡыҙҙар, ир-егеттәр араһында спринт, эҙәрлекләү һәм шәхси уҙыш буйынса алты ярыш ойошторола.
– Республикала йәшәүселәрҙең барыһын да был мөһим ваҡиға менән ҡотлайым. Башҡортостанда биатлонды яраталар һәм ҡарайҙар. Спортсыларға уңыштар, ныҡлыҡ һәм үҙҙәренә ышаныуын теләйем, – тип белдерҙе республиканың спорт министры Руслан Хәбибов.
Башҡортостан исеменән 17 спортсы сығыш яһай. Улар араһында республика биатлоны “йондоҙ”ҙары Антон Бабиков менән Эдуард Латипов та бар.
- Башҡортостан Республикаһы баш ҡалаһы өсөн мөһим йылда Бөтә Рәсәй ярыштары үткәрелә, – тип белдерҙе “Матч ТВ” комментаторы Дмитрий Губерниев.
Ярыштар 2 мартта сәғәт 11-ҙә - ир-егеттәр, 14 сәғәттә ҡатын-ҡыҙҙар араһында спринт ярыштары ойошторола.
3 мартта сәғәт 11-ҙә - ир-егеттәр, сәғәт 2-лә ҡатын-ҡыҙҙар араһында эҙәрлекләү ярыштары була, тип хәбәр итте республиканың Спорт министрлығының матбуғат хеҙмәте.
Дмитрий Мөхәмәтҡолов (Рәсәй Биатлонсылар союзы) фотоһы.