Ғаиләләре менән ярыштылар

Башҡортостан дәүләт аграр университетының спорт залында “Атай, әсәй, мин – спорт ғаиләһе” республика спорт ярыштарының финалы үткәрелде. Сарала Башҡортостандың Ветеринария буйынса дәүләт комитеты ҡарамағындағы ойошмалар ғаиләләре үҙ көсөн һынаны.

Комитет етәксеһе Азат Йыһаншиндың әйтеүенсә, был сара илдә Ғаилә йылының үткәрелеүенә бәйле ойошторола. Ярыштар башта айырым төбәктәрҙә үткәрелгән, бөгөн иһә ошо сараларҙа еңеп сыҡҡандар Өфөлә беренселек өсөн алышты.

Ғаиләләр тиҙлеккә, командала эшләүгә, етеҙлеккә ярышты. Уларҙың һәр береһе финишҡа беренсе булып килергә ынтылды.

Айрат Нурмөхәмәтов фотолары.