Биш миҙал яулаған!

Обнинскиҙа Калуга өлкәһе губернаторы кубогына гимнастика буйынса турнир үткән. Бәйгегә Рәсәйҙең 250 спортсыһы үҙ көсөн һынаған, Беларусь менән Монголия вәкилдәре лә  ҡатнашҡан.

Стәрлетамаҡ ҡалаһындағы олимпия резервы спорт мәктәбе тәрбиәләнеүсеһе Полина Дмитриева  күпбәйгелә, бруста, бүрәнәлә, ирекле күнегеүҙәрҙә һәм таянып һикереүҙә  алтын миҙалдарға лайыҡ булған. Ҡыҙҙың тренеры – Елена Кайгулова.

Фото: БР Спорт министрлығы.