Еңеүсе ир-атҡа - 300 мең һум һәм ат, ҡатын-ҡыҙға 100 мең һум һәм һыйыр биреләсәк

2026 йылдың 9-12 июлендә Учалы районының Ҡотой ауылында Рәсәйҙең спорт мастеры Ғайсар Хәлидар улы Ғәлин иҫтәлегенә арналған VIII «Олотау йыйыны» халыҡ-ара традицион фестивале үтә. Сара Башҡортостан Республикаһының Футбол федерацияһы булышлығында ойошторола.

Фестиваль программаһы:

9 июлдә командаларҙың килеүе, ир-егеттәр командалары араһында төркөм этабы уйындары башлана.

10 июлдә төркөм этабының дауамы. Шулай уҡ был көндө киберфутбол буйынса чемпионаттың төркөм этабы, ир-егеттәр командалары араһында арҡан тартыу һәм волейбол буйынса турнир үтәсәк.

11 июлдә — плей-оффтың хәл иткес матчтары (ир-егеттәр), киберфутбол буйынса чемпионаттың плей-оффы, ҡатын-ҡыҙҙар араһында мини-футбол, арҡан тартыу, волейбол буйынса турнирҙар, ат сабышы һәм тауға йүгереү буйынса ярыштар.

12 июлдә — экологик акция (биләмәне йыйыштырыу) һәм ҡатнашыусыларҙың ҡайтыуы.

Фестивалдең бөтә ҡунаҡтары түбәндәге ярыштарҙа һәм конкурстарҙа үҙҙәрен һынап ҡарай ала:

10 июль:
* футбол 1x1;
* алпамышалар футболы;
* бампербол;
* мәргәнлеккә туп тибеү;
* туп һуғыу;
* ҡулсаға ташлау;
* уҡ атыу;
* "Иң тәмле, үҙенсәлекле ризыҡ" конкурсы;
* "Футбол командаһының иң яҡшы көйәрмәндәре" конкурсы;
* "Иң яҡшы палаткалы лагерь" конкурсы.

11 июль:
* футбол 1x1;
* алпамышалар футболы;
* бампербол;
* футбол триатлоны;
* башҡорт биатлоны;
* түмәр ырғытыу;
* "Иң тәмле, үҙенсәлекле ризыҡ" конкурсы;
* "Футбол командаһының иң яҡшы көйәрмәндәре" конкурсы;
* "Сая ҡыҙ" конкурсы;
* "ГТО-фест: спорт берҙәмлеге" конкурсы.

Еңеүсе ир-егеттәр командаһы - 300 мең һум, башҡорт аты һәм күсмә кубок, ҡатын-ҡыҙҙар командаһы 100 мең һум, һыйыр һәм күсмә кубок аласаҡ.

Ҡатнашыуға ғаризалар рәсми сайт аша ғына ҡабул ителә: olotau.ru.
Ғариза бирер алдынан мотлаҡ фестиваль регламенты менән танышырға кәрәк (сайтта бар).

Хеҙмәттәшлек мәсьәләләре буйынса Линар Ғәлинға мөрәжәғәт итергә.
Ғаризалар буйынса - Илнур Солтановҡа.

Фото: https://vk.com/olotau