Бала ғүмере күпме тора?

Был йәһәттән эштәр алып барыла, әлбиттә. Аҙна һайын ЮХХДИ, махсус рейдтар ойоштороп, уларҙы ҡулға ала. Тик барыһын да тотоп бөтөп булмай шул...

Иҫерек килеш рулгә ул­тыр­ғандарға ҡарата яза ҙур. Уларҙы 1,5 йылдан ике йыл­ға тиклем водитель таныҡ­лы­ғынан мәхрүм итәләр, 30 мең һум күләмендә штраф һа­лалар. Бынан һуң да иҫерек килеш тотолһа, был осраҡта енәйәт яуаплылығы ҡаралған.

Әле иһә йәмәғәтселәр яңы тәҡдим индергән: иҫерек килеш рулгә ултырып, үҙең ме­нән балаларҙы ла йөрөт­һәң, таныҡлыҡ өс түгел, биш йыл­ға тартып алынасаҡ. Бындай баш­ланғыс менән “Хәүеф­һеҙлек өсөн” йәмәғәт хәрә­кәте рәйесе Дмитрий Кудесов сығыш яһаған һәм тәҡдимен Рәсәй эске эштәр министры Владимир Колокольцевҡа ебәргән.

Иҫерек водителдең салонында өлкән кеше ултырһа, уға һалынған штраф күләме 60 мең һум булырға тейеш, тигән фекерҙә йәмәғәтсе. Шул уҡ ваҡытта таныҡлығын ике йылдан өс йылға тиклем ваҡытҡа тартып алырға тәҡдим итә.

Ә инде иҫерек водитель машинаһына балаларҙы ул­тыртһа, штраф 90 мең һум булырға һәм, үрҙә әйткәнсә, та­нытмаһынан биш йылға тиклем мәхрүм итергә тейеш­тәр. Был үҙгәрештәрҙе Административ хоҡуҡ боҙоуҙар кодексының 12.8 статьяһына индереү тәҡдим ителә.

Статистикаға ярашлы, былтыр илдә иҫеректәр арҡаһында 15 меңдән ашыу авария теркәлгән, уларҙа дүрт меңдән ашыу кеше һәләк булған һәм 20 меңе төрлө йәрәхәт алған.

Әйткәндәй, эскән килеш бала ултыртып йөрөткән авто­һәүәҫкәрҙәр өсөн 50 мең һумлыҡ яңы штраф уйлап та­былды. Яңы пункт Адми-ни­с­тратив хоҡуҡ боҙоуҙар ко­дек­сының 21.8 статьяһында барлыҡҡа килгән.

Статистика аяуһыҙ: бер тапҡыр эскән килеш тотолоп, танытмаһын алдырған ке­шеләр ҡабат-ҡабат эләгеүен дауам итә. Аҡыл менән аңламайҙар икән, бәлки, кеҫәһенә һуҡһа, иҫеректең ни ҡылғаны башына барып етер? Ышанғы килә лә бит...