Гранттар конкурсына заявкалар алыу тамамланды

Телдәр буйынса гранттар конкурсына заявкалар алыу тамамланды

5 апрелдән 6 майға тиклем БР Башлығы Гранттар фонды 2024 йылға Башҡортостан Республикаһы халыҡтарының дәүләт телдәрен һаҡлау һәм үҫтереүгә гранттар конкурсына ғаризалар ҡабул итте.

Был ваҡытҡа тиклем ярҙам суммаһы 186,1 млн иҫәпләнгән 133 проект тапшырылған. Конкурстың үҙен финанслау бер проектты тормошҡа ашырыу 3 миллион һумдан артмаған осраҡта 50 миллион һум тәшкил итә. Был конкурста Рәсәйҙең башҡа төбәктәренән дә коммерция булмаған дәүләткә ҡарамаған ойошмалар ҡатнаша ала, тик уларҙаң проекты беҙҙең республиканан ситтә башҡорт телен һаҡлау һәм үҫтереүгә йүнәлтелгән булырға тейеш.

Быйыл Мәскәүҙән, Ҡурған, Свердлов һәм Силәбе өлкәләренән, Пермь крайынан 15 ойошма проекттарын финанслауға ғариза биргән. Шулай уҡ иң күбе Өфө ҡалаһынан – 49 ғариза, Сибайҙан – 8, Ғафури районынан 7 ғариза бирелгән. Еңеүселәр 2024 йылдың июлендә билдәле була, ә уларҙың проекттарын тормошҡа ашырыуға старт 1 августа бирелә.

Дүрт йылда Фонд 134 проектҡа дөйөм суммаһы 230 миллион һумлыҡ ярҙам күрһәткән.