Бәхетле кәләшкә – 81, кейәүгә 79 йәш!

Ғафури районы ЗАГС-ында бындай ығы-зығының, күтәренке мөхит хакимлыҡ иткән күңелле ваҡиғаның  күптән булғаны юҡ ине. Ғәҙәти булмаған ғаилә парын теркәүҙе хеҙмәткәрҙәр тантаналы шарттарҙа башҡарҙы. Уйлап ҡарағыҙ: бәхетле кәләшкә – 81, кейәүгә 79 йәш!

Юстиция  дәүләт комитеты хеҙмәткәрҙәре әйтеүенсә, Халыҡ-ара оло йәштәгеләр көнө алдынан  ғүмер юлын 55 йыл буйына ҡулға-ҡул  тотоношоп үткән Леонид  Шатунов һәм Мәҡлүфә Хәйретдинова никахлашырға була. Балаларын аяҡҡа баҫтырып, хәҙер ейән-ейәнсәрҙәре менән мәж килә улар. Никахлашыусыларҙың икеһе лә – хеҙмәт ветераны, әле лә әүҙем тормош алып баралар.

ЗАГС хеҙмәткәрҙәре  бәхетле ғаилә парын тормоштарындағы иҫтәлекле ваҡиға менән ҡотлап, уларға ныҡлы һаулыҡ һәм бәхет теләне.

Фото: БР Юстиция дәүләт комитеты.