Яңы трамвайҙа елдерербеҙ әле...

Өфөләге Октябрь проспектында шәп йөрөй торған трамвай юлы һалырға ниәтләйҙәр.

Транспорт һәм юл хужалығы буйынса дәүләт комитеты планына ярашлы, был эшкә 17 миллиард һум аҡса талап ителә, тип белдерҙе ведомство етәксеһе Тимур Мөхәмәтйәнов. Уның әйтеүенсә, бындай трамвай Өфөнөң төньяғы менән көньяғын тоташтырсаҡ. Юл һауанан йә булмаһа ер аҫтынан үтәсәк, тип фаразлайҙар. План буйынса проект 28-30 йылдан үҙен аҡлаясаҡ. Төҙөлөштөң ҡасан башланыры тураһында әлегә мәғлүмәт юҡ.