Актер менән хушлашасаҡтар

Рәсәйҙең халыҡ артисы Алексей Булдаковтың вафат булғанын хәбәр иткәйнек инде. Ул 3 апрелдә Монголияның Улан-Батор ҡалаһында мәрхүм булды.

Актерҙың вафатына бәйле тулыраҡ мәғлүмәт барлыҡҡа килде. Бер фараз буйынса, ул сит илгә – гастролгә, икенсеһе буйынса, дуҫтарының тыуған көнөн билдәләргә барған икән. Әйтеүҙәренсә, төнгө сәғәт 2-лә йоҡоһо мәлендә ҡан тамырындағы тромб шартлай.

Алексей Булдаковты иртәнән һуң Мәскәүҙең Троекуров зыяратында ерләйәсәктәр.