"Ҡалала ғына ике меңдән ашыу кеше ҡатнашты"

Мәҫәлән, Ишембай районы хакимиәте башлығы Азамат Абдрахманов “Бәйләнештә”ге сәхифәһендә шулай тип белдерҙе:

“Был көндәрҙә тотош республика халҡы үҙҙәренең ҡалаларын, райондарын ҡыштан һуң тәртипкә килтереү менән дәррәү шөғөлләнә. Ишембайҙар ҙа был бурыстан ситтә ҡалманы.

Үткән төндә үк Асфальт-бетон заводы хеҙмәткәрҙәре махсус техникалар ярҙамында ҡала урамдарын саңдан, юл ситтәрендәге сүп-сарҙан таҙартты. Был машина штурвалдарында – ысын һөнәр эйәләре. Уларҙың еңел булмаған хеҙмәте арҡаһында Ишембай урамдары таҙара”.

Артабан Азамат Абдрахманов өмә барышын сағылдырған фотоһүрәттәрҙе ҡуйып, “Бөгөн ҡала буйынса ғына берҙәм сарала ике меңдән ашыу кеше ҡатнашты”, – тип хәбәр итте.